::: الطنايا :::
هينه دام هي هذي فهي هينه
والله اني حسبت العاقبه عاقبه
عاد تدري هي من أول وهي بينه
شوفها مايبي له نظرة ثاقبه
بنت ستين كلب وزفت ومطينه
قصة النجم والخبل الذي راقبه
مابعد ماشفت من همي سوى عينه
كيف أجل لو همومي جتك متعاقبه
جيتك بغصن طيب زهرته لينه
كيف لو ييبس وتصفر الأوراق به
من رجا خير في شرواك ماعينه
لاأنت سباق طيب ولاأنت لحاق به
مومس الوقت لو صلت ماهي دينه
يعرف البير واللي فيه ومن واق به
لا تحلف اليمين .. ولا نبي بينه
فارق الصدر يالسر الذي ضاق به
كل شخص له من الذل مافينه
وكل شخص له من العز مالاق به
زين اللي تبي واللي تبي شينه
ماانت حول الطنايا لحيتك عاقبه
موضوع: الطنايا 
الخميس يناير 15, 2009 3:53 pm