حلفت أقطف لك الغيمه من اغصان السما لرضـاك
و اجي و احلب ْ لك امزون الغلا و ابل ّ لك هالريق
مع ان الغيم ْ من شافك تحت ظله بدا يضمـاك..!!
شف انجوم السما لا من غفَت عينك عليك اتويـق
تعـال آعلمـك كيـف القصايـد تحتـري لقيـاك
تعال انسولف بقصـة هـواك و رحلـة التشويـق
كتبت الشعر لجل ارضي شعور ٍ داخلـي مـا جـاك
و جاك !! و ما كسبت الا الولَه مع ضجّة التصفيق
غمّض و اركب احلامك و شفني محتريك هنـااااك
لعل الحلم يجمعنـا و اضمّـك مـن قبـل لاتفيـق
طموحي بالحيـاه اكبـر مـن المعقـول و الإدراك
و انت اكبر طموحاتي و حلـم ٍ يرفـض التحقيـق
انا و قلبي نضيق ولـو بغيـت القـاك مـا ألقـاك
و انا أوّل من بتلقـى لـو الدنيـا عليـك اتضيـق
روح بدنيتـك كانـك سليْـت و نسّتـك دنـيـاك
حبيب ٍ شالك بقلبه كما شـال , الريـاض طويـق
عزمتك داخل ضلوع ٍ تصافق مـن هـوَس لبّـاك
تعال إختر من اعماقـي مكـان و خابـرك ذوّيـق
تعال ألعب على روحي تمون و مـا حـد ٍ ينهـاك
تعال ( إعرج ) على عيني وانا بكون لك ( صدّيق )
ترى هالشوق ضج ّ بداخلي و اهتز ّ مـن ذكـراك
مثل ما زاد دهـن العـود طيبـه كثـرة التعتيـق
تعبت آعاتب احسـاس ٍ بقلبـك مـا قـدر ينهـاك
و تقفي و انت غارق في دلعك و ساهـي التحديـق
تروح و تتـرك بدربـك خفـوق ٍ للقـاا يضمـاك
ياااخي ما أبي أشرب انا ابي بـس ( بلّـة ريـق )
للشاعر محمد بن غنام الشمري