كان الامير محمد السديري رحمه الله في رحلات القنص في الشمال وخاصة في الجوف كثيرا مايرافقه سميّر بن سعدنه(وهو من هواة القنص وعاشق للصقر وايضا شاعر معروف بالمنطقة) وهو على علاقه قويه بالامير محمد السديري بشكل خاص ومع امراء المنطقة من السدارى سواءا في القريات (الامير نايف السديري رحمه الله)او الجوف
وكانت العلاقات مستمرة الى وفاة سميّر رحمه الله
1-قصيده الشاعر سمير بن شخيتير بن سعدنه عندما ضاع طيره ( سعران)
وجهها الى الامير الشاعر محمد بن احمد السديري (يرحمهما الله)
ياونتي ونات من ضيع الطير
عقابين من كبد الخضيرا حدنه
شرقية(ن) هبت كتام ومعاصير
ومع سرع ركظه الرياح قلعنه
عليك يا(سعران) دمعي شخاتير
الو يطبنّ الوطا سيلنه
ياعين لاتبكين مابالبكا خير
كم غالي(ن) سمر اليالي خذنه
ياونتي ونات من طاح بالبير
اقرش( مراديم المقام) أَطلبنه
(لا)يابوزيد اطلق لطيري مداوير
من جيشك اللي كل ديره يجنه
طالبك ياشوق البنات الغنادير
انك تمضي حاجتي لاتكنه
لايامحمد يازبون المناعير
زبن راع والمستجنه؟؟؟؟\
خمسين مدن للعتابين ومطير
وخمسين مددن الرياض ويجنه
وخمين ينصن الشعالين بضمير
وخمسين ماطب البحر يقطعنه
حرص علا طيري جميع المداوير
لوهو خربوشن بالخلا يدهجنه
(ياامير طيري مالقـوه المداويـر
سود الليالي عن ديـاري نحّنـه
ودي توصي يازبون المقاصيـر
غدي اركابـك بالخـلا يذكرّنـه
واركابكم بالبـر دايـم معابيـر
ولايتـرك المرقـاب مايرقبنّـه
والقلب يابو زيد كنه علـى كيـر
والصقر صيحات الضحى يوجعنّه)
2 / وهنا رد الشاعر الامير محمد بن احمد السديري يرحمه الله..
والقصيده تتحدث عن نفسها. وعن طيب صاحبها . وتقديره لصاحب الطيب:-
ابشر بطيرك يازبون المقاصير
لازم لزوم ركابنا يدورنه
من حشمتك نمشي علا الشر والخير
طيب(ن) مع الاجواد مابيه منه
اركبت هجن(ن) من كبار المحاصير
الفين وجنا كل منهن مسنه
من فوقهن نقوة عيالن مناعير
حاشو جميع الطيب باكوارهنه
خمسميتن للخفج مني مداوير
داجن هجيج وكل جون وطنه
وخمسميتن ينصن عتيبه على النير
ينظفن مطيرهم والاعنه
وقلت انكسوهن لليمن والمناصير
وداجن وساجن.. وانكفن مالقنه
طيرك غدا بالصيف شاف التناكيـر
حـدنه العقبـان ليـن اقلعنّـه
..الطير وقت القيظ شر(ن) بلا خير
تتعب .. وكل يديك مايشبعنه
عندي عوض طيرك ليال المخاضير
فرخ(ن) قرانيس الوحش علمنه
طير الرحيباء منوة (ن) للصقاقير
يعجبك يومن الايدين اطلقنه
اشقر عديم ينثر الريش تنثير
ويديه شكات الغلب ينثرنه
تحير في وصفه جميع الصقاقيـر
نظمن عيونه سـود بحجورهنّـه
وان صرت من بين السلف والمظاهير
بمخافق الاجـوال يعجبـك فنّـه
(أشقر كن عينه سنا الكير)
يرمي غلط والبِرق مايكهمنه
طيرن يعوضك ياصبي المخاسيـر
وخل الصياح وونه الصـدر كنّـه
قبلك بكينا الطير هـو والغناديـر
قد عذبـن القلـب ثـم أوجعنـه..
3 / ثم جاء الرد من سمير السعدنه ,, على قصيدته بقصيده اخرى كنوع من الشكر على هديته وقصيدته التي رد بها :
ياراكبن حرٍ حلي التواسير
فجّ العضود الزور.. مايقربنه
تشبيه ربدا نفجوها المظاهير
بيها حدعش والخيل مايلحقنه
سلم علا اللي لانوى الراي مايشير
خويه قيفان الخلا وهمنه
هو البحر ماعمر طبّه حدادير
والرسّ ينشف والغنم قعدنه
ترا السدارى (نوف على الموامير)
ولاني بحال اللي علومي يجنه
عاداتهم يعطون صفر ومغاتير
والى عطاله عطوتن مايكنه
انشاء الله تعجبكم
موضوع: قصيدة محمد الاحمد السديري حياكم 
الثلاثاء يناير 20, 2009 6:49 pm