نوبه تذكرت وأنا أتمقل بجنطه=تذكرت أيام مضت بالشتاء والرادي
أيامٍ بها الكل يجدع القطه=مستعدين للرحيل بكل بر و وادي
أوقف وعبيه بنزين من المحطه=وأشد على قشه مثل شد الجوادي
حاملٍ على ظهره للعزبه شنطه=بعد الفجر موهوب بالليل السوادي
وأنحر النفود ويرتفع بنطه=معشقٍ قيره والدبل وأنا بالجوادي
وبعدما كل سيف وطعس ينطه=أدور نقرة وأنصب خيمة للرقادي
نحمد الله لو يجي من السيل نقطه=ونحمد الله على كل شربٍ وزادي
وكل ضيف له عندنا غطه=مانعرف الكلافه والوضع عادي
يرتاح بقعدته ماعليه سلطه=ويدعي لنا بقلبه وبروحه يفادي
أيامٍ بها الوقت ودك تمطه=لاقالوا ترى اليوم صيد الجرادي
نعيش أيامٍ سعيده مابها غلطه=ونذكر أيام مضت بي بر البلادي
وصلاة ربي على نبي له بدين خطه=خاطها الله سبحانه رب كل العبادي
موضوع: ===الكشتــــــــــــــــــــــه=== 
الخميس يناير 22, 2009 11:06 am