بما ان اكثركم من القصيم لقيت هذي القصيده وحبيت انقلها لكم اتمنى انها تعجبكم وعطوني رايكم<-----يلله بس اخلص علينا
قالت قصيمي قلت فخر ومعزة .^. أهل الكرم والعلم والحلم والبــــــــــــاس
قالت قصيمي قصـدها بي تهزه .^. ماتدري اني بافتخر وارفع الـــــــراس
الحمد لله روســـــــــــنا دوم رزة .^. اللي خلقنا بس نحني له الــــــــــــــراس
صافي نسبنا والحسب فيه عـزة .^. أصل أصيل وفصل والعرق دســـــاس
أهل الوفا والدين صـــــافي منزه .^. عن كل ما شاب العقيدة من ادنــــــاس
حنا العقيلات انشدي رجال غزة .^. حنا هل الدنيا وللدين حـــــــــــــــــراس
حنا سنايد نجد في كل حـــــــــزه .^. لا خانت حلوق الرجاجيل الأنفــــــاس
حنا اجبال يعجز الريـــح هـــــزه .^. حنا لنجد حزام وعصابة الــــــــــــراس
نارد حياض المرجـلات ونلــزه .^. مانمشي دروب الرذيله والأدنــــــــاس
من يغلط لسانه علينـــــا نجــــزه .^. واللي يحقر قدر الرجاجيل ينــــــــــداس
منا العدو تكفيه بالعين خــــــــزه .^. يقضي عليه الخوف مع كل هوجـــــاس
من ذكرنا في قلبه تثور نـــــــزه .^. من طاري القصمان يبلاه وســـــــواس
نومه كوابيس وروعه وفـــــــزه .^. دقت نواقيس الخطر له والأجـــــــراس
وان هو لقي له من علينا يــــوزه .^. هون له الصعبات وابليس خنــــــــــاس
مايدري انه للمهالـــــك يـــــــدزه .^. عجل علي مبناه يمحي من الســــــــاس
يابنت حنا من نخانا نعــــــــــــزه .^. يأمن بنا الملهوف وتهابنـــا النــــــــاس
مرسولنا للخير دايــم نكــــــــــــزه .^. ولصرخة المحتاج نرخي الأكــــــياس
تاريخنا مجـــــد لبسناه بـــــــــــزه .^. نمشي بوسط السوق ماندحم الســــــاس
لك ماتركنا بكاس الأمجاد مــزه .^. واجد عليك ومثلك حثالة الكـــــــــــــاس
وش جاب حر الطير لفريـخ وزه .^. منهو يساوي جوهر الماس بنـــــــــاس
لاتحسبين انك لنا مــسـتفــــــــــزه .^. وش ياخذ الباعوض من ريش قرنـاس
0000000000000000000000000000000000000000 000
تحياتي
موضوع: قصيده للقصمان بس 
الإثنين يناير 12, 2009 11:13 am
