قصائد جديده

للعين في عيني وفي عيون الاجواد
حشمـه وتقديـر وشـمـوخ ومهـابـه
دار لطاريـهـا عـبـق بّـــن واقـنــاد
تاريخـهـا لـسـم الـسـمـو انتـسـابـه
فــي قلبـهـا للـعـز والـمـجـد وقـــاد
وف صدرها لضيف طيـب ورحابـه
كانـت لـزايـد ام وادروبـهـا امـهـاد
وكانـت فتـاة احـلام زهــرة شبـابـه
فقيدهـا الـلـي مــا تخـلـى ولا حــاد
بالعكس كان الها المطـر والسحابـه
اليـن حولهـا مــن اجـهـاد واعـنـاد
الــى حديـقـة ورد يـنـضـح لـبـابـه
تـنـازلـت مـنـهـا الـنــوازل للـعـيـاد
واستسـلـمـت خـدانـهــا للـضـبـابـه
تسـتـدرج الابـــداع كـلــه ويـنـقـاد
وتسترسـل افكـار الشـعـر بالكتـابـه
واليوم دار الزين فيهـا الحسـن زاد
الله يـرحــم شيـخـهـا فـــي تـرابــه
وصى عليها اللي لـه الجـود ميـراد
مكـد بطيـبـه هـقـوت الـلـي هقـابـه
ريـس وطنـا مفخـرت كـل الامـجـاد
خليـفـة الـلـي جــا لـزايــد مـشـابـه
ما هو تشابه فـي الهياكـل والابعـاد
الا شـبــه فـعــل زهـــاه وزهــابــه
الله يحفظـه مـن عبـث كــل جـحـاد
ويبقـا لنـا فـي خيـر حضـرة جنابـه
شيخ له بعيني وفي عيون الاجـواد
حشـمـه وتقـديـر وشـمـوخ مهـابـه

وقصيدة أخرى

بدا موسم جديد لمعرض الياقوت والاماس ****** بارض تحترم الابداع وتبارك مواسيمه

وطن جزل المعاني والشعور العذب والاحساس ****** وقت شوه الارهاب منضومة تقاسيمه

وطن شامخ شموخه في زمان العولمه نبراس ******سماه المفعمه بالجود لامال العرب خيمه

وطن ما حسس ادنى فرد باللي حس به جساس ****** عبارة العدل تتحكم بصيغة مراسيمه

رقى به شعبه الراقي بحزم وعزم ما ينقاس ****** تسامي نهضته برق وكرم حكامه الغيمه

على نهج الفقيد اللي عسى رب الفلق والناس ****** يوسع بالضياء مثواه ويسره بتكريمه

غلانا زايد اللي في حياته ما اهتنى بنعاس ******الين اضحت شماريخ الرخا في داره مقيمه

جمع شمل الشيوخ اللي علينا حكمهم حراس ****** من اشباح الظلام ومن قسى الوقت ومجاهيمه

شيوخ شيخوا الراي الحكيم ووحدوا الانفاس****** بصدر ما شكى ظلم الزمان ولا شكى ضيمه

اعزاز الشعب في دولى سلام يحتضنها ساس****** تأسس من عبق الاسلام واتشرب تعاليمه

وتقدمنا عقب زايد خليفه مبعد المرواس****** زعيم يبتلع سفن القضايا موج تصميمه

خليفه رمزنا الاسمى حكيم الموقف الحساس****** اليا ضاعت حسابات الدول واخطو بتقييمه

حكيم ذكره السامي ما يرهق هاجس العساس ****** سبق سين المواطن بالعطايا والسخى جيمه

بقول انه بحر بس البحر ما يمن الغطاس****** وهو تامن به اللي سنة الايام تجريمه

وبقول انه جبل بس الجبل خالى من الاحساس ****** وهو ترمز لانسانية الحاكم مفاهيمه

ظهر مدحه من الساني سما ما لامس الكراس****** عسى الله للمواطن والوطن يرعاه ويديمه

وحفظ عهده ابوخالد محمد قارع الاجراس ****** بخفاق البيوت اللي تسابقني لتقديمه

عديم طاري امجاده يبدد غيمة العوماس ****** من اوجيه الكلام وهزة الطاري ترانيمه

تغني له سواني شاعرية ضامي الهوجاس ****** ويطرب للقصيد ويشتغل بفخم تصاميمه

ابوخالد ابوخالد اليامن ضامتك الاتعاس ****** يبدد ما يضيمك شوفته من قبل تكليمه

يعاضد ريس الدوله بخدمتنا ضحى واغلاس ****** اخوان اعوان فيما يخدم الشعب وملازيمه

وعلى ضوء اهتمام اشيوخنا اللي يرفعون الراس****** غدينا في عيون الناس شيخان ولنا قيمه

وشيخ ما يعز الشعب ويدور له النوماس ****** عليه بالحرام ان طاعته من قلة الشيمه



نايف معلا العتيبي

السعودية
رقم التصويت: 46

من مشاركته في شاعر المليون 2
https://www.youtube.com/watch?v=kegpt-M3raI

الشعر تعريفـة بـدون ايـة اجـدال... كـلام لـه معنـى مقفـى ومـوزون
ولو قالو ابا اقول عن كـل الاقـوال... هذا الصحيح وقولو اللـي تقولـون
ماهـو كـلام كيـف ماقيـل ينقـال... وشلون مدري كيف ياكيف وشلـون
لا قافيـه لا وزن لا نعـت لا حــال... لا وصف لا تشبيه لا شكـل لا لـون
يعني سوالف بس من غيـر منـوال.. سولف واسولف واكثر الناس يوحون
حتى لو انك جبتهـا مالهـا اجيـال... أهـم شـي تكـون رزه ومـزيـون
وفي يدك ساعه تعطي الوان واشكال ... ماغير تلمـع كـل ماقلـت هاللـون
واشياء كثيره غير هذي على البـال.... ياناس ياعالم هـو انتـم تشوفـون
موروثنا الشعبي غـدا نصـه خبـال... بيدين متشـدق وسـاذج ومجنـون
من عقب ماكانت توارثهـا الأجيـال... اصبح مجرد شـئ زايـد ومركـون
ومن عقب ماكـان يتنفـس ويختـال... صار اكسجينه ثاني اكسيـد كربـون
تعرضوه صويـر وعويـر والفـال... اللي على نهـج الثنينـه يسيـرون
صوير جنب عويـر وعويـر دجـال... وعوير جنب صوير وصوير ملسون
اعويـر لا مـن قـال يـالال يـال... الصوير يصرخ ياخي ابـداع بفنـون
يامـال فرقـا العيـن يامـال يامـال... جنون يمكن لاكـن ابـداع تبطـون
والشعر مهما صـار باقـي ولا زال... وشعارنا فـي كـل وادي يهيمـون
مليون لاكن لو تجيـب لـك منخـال... تنخلهم بنمنخـال مامهـوب مليـون
وانا ماابري نفسـي بكـل الاحـوال... اخاف فالمنخل مع اللـي يروحـون
لاكـن والله مانـي قصّيـر احبـال... ولاني من اللي فالقوايـل يضيعـون
يقول ابن جدلان في عـرض ماقـال... تكفون صونو كلمة الشعـر تكفـون
وانا بقول اليوم عـن كـل الاقـوال... هذا الصحيح وقولو اللـي تقولـون

محمد الوسمي المطيري

السعودية
رقم التصويت: 35

https://www.youtube.com/watch?v=A5Orrl-7C6w

نبدا هنا.. نحكي حكاية بنت في عمر الزهور


حلوه , رقيقه .. تحترق بالدمع لو تسمع هواش


تغيب .. يوقف عقرب الساعه , واذا طلّت يدور


يعني إنتظارك فالنهايه غير قابل للنقاش


في أي حفل تكون به هالبنت .. شف شكل الحضور


تصبح ملامحهم .. ترقب , خوف , رهبه , إندهاش


تضحك لذيك .. وتبتدي هذي من (الغيره) تثور


متواضعه .. تنسى إنها الأولى .. يذكّرها الفلاش


أنفاسها لاسولفت .. أحلى دعايه للعطور


فعيونها قصة رجل من جا على الدنيا وعاش


لاجت تنام .. أحلامها فوق السرير تصف دور


وتصيح فيهم : يايجيني حلم مثلي .. يابلاش


نامت وحلمْت بانها ورده .. يميّلها الغرور


وكل مايميّلها الغرور تزيد نشوه , وإنتعاش


وجات أمها تهزها : قومي ياماما ( نور .. نور )


وبدت تفكّ عيونها بشويش .. ويطير الفراش